"Հայջրմուղկոյուղի" փակ բաժնետիրական ընկերության միացյալ Արհեստակցական միություն

Գործում է 2003թ հունիսի 27-ին կայացած միացյալ Արհեստակցական միության ստեղծման հիմնադիր ժողովի որոշմամբ:

Իրավաբանական անձի իրավունքով գրանցված է ՀՀ Արդարադատության նախարարության պետական ռեգիստրի կենտրոնական մարմնի կողմից 2003 թվականի օգոստոսի 14-ին (գրանցման համարը` 211 190 01946):

Ընկերության չորս մասնաճյուղերի հիմնադիր ժողովներով ստեղծվել և գործում են միացյալ Արհկոմի կազմի մեջ մտնող Արհեստակցական կազմակերպությունները:

Արհեստակացական միությունը գործունեությունը իրականացնում է աշխատանքային հարաբերություններին վերաբերող Հայաստանի Հանրապետության իրավական ակտերի պահանջներին համաձայն: Ամենօրյա աշխատանքների իրականացման հիմք է հանդիսանում ընկերության տնօրինության հետ կնքած կոլեկտիվ պայմանագիրը:

Կատարված և կատարվելիք աշխատանքները ուղղված են աշխատողների աշխատանքնային պայմանների, նրանց ընտանիքների նյութական բարեկեցության բարելավմանը, համակարգում աշխատանքային ցուցանիշների և բարոյահոգեբանական մթնոլորտի բարեփոխմանը:

Արդեն չորրորդ տարին է կազմակերպվում է համակարգի աշխատողների դպրոցահասակ երեխաների անվճար ամառային հանգիստը: 2005 թվականին Հանքավանի "Լուսաբաց", 2006-2007 թվականներին Վահագնաձորի "Գուգարք" ճամբարներում կազմակերպվել է տարեկան 60 երեխաների ամառային հանգիստը: Պայմանգիր է կնքվել 2008 թվականին նույնպես "Գուգարք" ճամբարում կազմապերպել երեխաների հանգիստը:

Ամեն տարի դպրոցական սեզոնի բացման կապակցությամբ համակարգի ցածր վարձատրվող և կարիքավոր ընտանիքների ավելի քան հազար երեխաների համար ձեռք են բերվում և հատկացվում են անհրաժեշտ դպրոցական և գրենական պիտույքներ:

Գործունեությունում կարևոր նախապայման է համարվում աշխատողների սպորտային և կուլտուրամասսայական միջոցառումների կազմակերպումը: Համակարգի ֆուտբոլի թիմը մասնակցել է մի շարք հանրապետական մրցաշարերի և գրավել է մրցանակային տեղեր, իսկ 2007 թվականին հանրապետության առաջնակարգ 16 թիմերի մրցաշարում գրավել է առաջին տեղը` նվաճելով գավաթը:

Կազմակերպվում են նաև ներհամակարգային սպորտային միջոցառումներ:

Աշխատավորական կոլեկտիվում ավանդույթ է դարձել Արհմիութենական կազմակերպությունների նախաձեռնությամբ հանրապետական մի շարք տոների (Բանակի, Կանանց, Ամանորի) նշումը, վետերանների մեծարման միջոցառումների կազմակերպումը:

Համակարգի կարիքավոր, դժբախտ դեպքերի առընչված ընտանիքների անդամներին տրամադրվում են դրամական և նյութական օգնության:

Արհկոմի նախագահ` Ա.Շուշյան